Ѕвездата на „Паркот Јура“ ( „Jurassic Park“), 76-годишниот актер Сем Нил, зборуваше отворено за своето здравје неколку месеци откако откри дека му бил дијагностициран рак на крвта во трета фаза.
Во новото интервју тој раскажа како се лекувал претходно оваа година.
“Во никој случај не се плашам од смртта. Тоа не ме загрижува. Не ме загрижуваше ниту на почетокот, но ме нервира. Ме нервира бидејќи има работи кои сè уште сакам да ги правам”, рекол актерот.
„Имаше моменти во последната година кога морав да се погледнам во огледало и не гледав убава глетка“, додаде тој.
Сем подоцна споделил добра вест со своите фанови, дека ракот е во ремисија веќе 12 месеци. Нил сега прима инфузии на секои две недели и ќе го прави тоа до крајот на животот.
„Сè е добро. Се надевам дека така ќе остане”, рекол актерот.
„Почнав да размислувам колку сум благодарен за некои работи. Можеби нема да бидам тука за неколку месеци, па помислив да напишам нешто за моите деца и внуци. Би било добро да имаат спомен од мене и некои од работите што ги направив“, додаде тој.
View this post on Instagram
