Фолкерот ја напуштил полициската станица откако вчера доживеал сообраќајна несреќа.
Се уште нема пресуда, бидејќи пејачот ќе има право да се брани денеска, кога полицијата ќе приложи докази, пишуваат српските медиуми.
Дарко Лазиќ синоќа дал изјава во полициска станица, а откако ја напуштил рекол:
„Се ќе биде во ред. Еве да кажам на сите… Јас сум крив, зашто го удрив човекот одзади, не возев брзо! Имаше редица, голема гужва, одамна имам само чешка лиценца кај мене“.
Тој тврди дека никогаш немал проблеми бидејќи има возачка дозвола од Европската Унија.
„Никогаш немав проблем поради чешката возачка дозвола… Сега ќе ја платам казната, затоа што удрив човек од позади, нормално… Ќе видиме колкава ќе биде казната – изјавил, и открил дека оди да се подготви за свадба со сопругата Катарина која е закажана за следната недела.
Дарко Лазиќ на рочиштето пред судијата признал прекршоци. Судијата утре треба да донесе пресуда бидејќи чека официјален доказ за заштитната мерка која претходно му била изречена на Лазиќ, дознаваат српските медиуми.
