Принцот Вилијам се пошегува за коронавирусот за време на официјалната посета на Ирска.
Вилијам во Даблин се дружел со медицинскиот персонал и болничарите па во еден миг се пошегувал со еден од нив.
– Веројатно сите ви пристапуваат со „Имам коронавирус, умирам“, а вие велите „Не, само кашлате“ – се пошегувал Вилијам.
– Мислите ли дека во моментот сите се предраматични околу коронавирусот? Како медиумите да ја разгоруваат работата? – прашал, па се пошегувал и на своја сметка. „Всушност, војводата и војвотката од Кембриџ го шират вирусот. Извинете. Внимаваме на тоа, па кажете ни ако треба да престанеме“, рекол Вилијам.
И покрај коронавирусот, Вилијам и Кејт и понатаму ги извршуваат своите службени должности, а британските медиуми забележаа само една промена во кралското семејство предизвикана од вирусот – кралицата завчера му го врачи медалот на ветеранот Хари Билинге, носејќи ракавици.
Вилијам и Кејт, пак, не се придржуваат кон препораката да го избегнат ракувањето, па во Ирска биле видени како се ракуваат со десетици луѓе, пишува Дејли мејл.
