Со повеќе од 1,2 милиони следбеници на Тикток и над 600 илјади на Инстаграм, инфлуенсерката Кајла Рајан го гради своето место на дигиталната сцена.
Но зад тој успех се крие приказна за период што воопшто не бил лесен. Во едно од своите видеа, Кајла отворено проговори за пресвртницата од 2023 година, кога решила да го промени правецот на својот живот.
Пред да стане препознатливо лице на социјалните мрежи, работела како келнерка и се соочувала со финансиски потешкотии. Како што самата признава, често морала да бара помош од родителите, а денес истакнува колку ѝ значело што во тој период биле покрај неа.
Со родителите имала договор дека ќе ја поддржуваат финансиски додека студира, но во еден момент сфатила дека факултетот не е патот по кој сака да оди. Откако се откажала, добила рок од шест месеци да се осамостои. На почетокот, тој рок не го сфаќала премногу сериозно.
Сепак, токму 2023 година донела пресврт. Решила да ја преземе контролата врз својот живот, почнала да штеди и да планира иднина каква што посакувала. Набргу потоа започнале и првите соработки со брендови на социјалните мрежи, што ѝ отворило нови можности.
Неколку месеци подоцна донела уште една важна одлука – дала отказ од сигурната работа и целосно се посветила на креирање содржина. Денес вели дека навистина ужива во тоа што го работи, а нејзиниот раст на платформите го потврдува тоа.
Со следбениците редовно споделува моменти од секојдневието, beauty рутини и lifestyle содржини, заедно со впечатливи модни комбинации кои често привлекуваат внимание.
Кајла Рајан така станува пример за новата генерација креатори кои својот пат го изградиле со сопствени одлуки, но и со подготвеност во клучен момент да направат голем пресврт. Дали нејзината приказна ќе инспирира и други да направат сличен чекор, останува да се види.
View this post on Instagram
