Најпознатата хрватска инфлуенсерка, 34-годишната Ела Дворник, повторно го привлече вниманието на Инстаграм со видео во кое детално го прикажа процесот на естетските зафати – подигнување на веѓите и операција на очните капаци.
Ела на своите следбеници им покажа како изгледала пред зафатот, непосредно по операцијата, како и во текот на наредните денови, документирајќи го повлекувањето на отоците и крајниот резултат. Таа отворено објасни дека се одлучила на овие корекции за долгорочно да ја одложи потребата од поинвазивни зафати, како фејслифтинг, кои обично се прават во подоцнежните години.
View this post on Instagram
Покажувајќи ја својата препознатлива транспарентност, Ела на крајот од видеото му подари на својот хирург сопствено уметничко дело – автопортрет кој самата го нацртала. Таа неодамна откри дека цртањето со акрилни фломастери ѝ станало омилено хоби, а нејзините дела веќе ги красат ѕидовите во нејзиниот стан во Загреб.
Во нејзината лична галерија се наоѓа и портрет на нејзиниот татко, легендарниот Дино Дворник.
Покрај цртањето, Ела е активна во музиката, реставрацијата на мебел и креирањето парфеми. Нејзините уметнички дела често кријат подлабоки, па и мрачни теми. Една од нејзините највпечатливи слики прикажува како си ја отсекува сопствената нога, што за многумина беше морбидно, но за неа симболизира жртва за успехот. Своите креативни склоности ги припишува на генетиката и со љубопитност набљудува дали истиот талент ќе се развие и кај нејзините две ќерки.
