Една од најтешките железнички несреќи во Грција, која однесе најмалку 43 животи, е предизвикана од „трагична човечка грешка“, изјави премиерот на земјата Киријакос Мицотакис.
Премиерот Мицотакис зборуваше по посетата на местото на верижниот судир меѓу патнички и товарен воз кој се случи во вторникот вечерта.
Локалниот шеф на железничката станица беше обвинет за убиство од небрежност, а грчкиот министер за транспорт поднесе оставка.
По посетата на локацијата, Мицотакис рече дека сè укажува на „трагична човечка грешка“.
– Судот ќе си ја заврши работата – рече тој во телевизиско обраќање и додаде:
– Луѓето ќе одговараат, а државата ќе биде на страната на народот.
Објавувајќи ја својата оставка, министерот за транспорт Костас Караманлис рече:
– Кога ќе се случи нешто толку трагично, невозможно е да се продолжи и да се преправаме дека не се случило.
Синдикатите велат дека несреќите се мултифакторни и дека несреќата ги истакна хроничните недостатоци, вклучително и недоволно персонал, неисправни сигнали и застарени капацитети.
