Хрватската писателка Ведрана Рудан, која ја води најтешката битка со ракот, неодамна на својот блог објави текст во кој на читателите им порача дека умира. По емотивната исповед за престојот во болница, таа изјави дека само сака да биде со сопругот, а сега откри дека повторно била во болница.
Ведрана накратко рече дека „не може да дава интервјуа бидејќи е во процес на лекување.
-Не сум во можност да давам големи интервјуа, во фаза на лекување сум. Само што се вратив од болница, подобро да не кажувам низ што поминувам… Бидете здрави, голем поздрав до сите – рекла Ведрана за „Блиц“.
– Ви благодарам многу за убавите желби. Со почит – додаде таа.
За потсетување, Ведрана откри што прво и поминало низ глава кога дознала дека боледува од тешка болест.
-Кога дознав дека имам рак, првото нешто што ми падна на памет беше да им се јавам на сите што требаше да слушнат од мене. Меѓу првите беше сопственикот на мојата издавачка куќа.
