Во српската музичка емисија „Никогаш не е доцна“, натпреварувачката Маријана Петров (43) се најде во центарот на вниманието не само поради нејзиното пеење, туку и поради шегата на Жика Јакшиќ, кој ѝ отвори „конкурс за брак“.
Маријана сега зборуваше за своите впечатоци од настапот, но и за шансите наскоро да застане на „лудиот камен“.
– Тука oдлично поминав, го совладав сценскиот страв, добро настапив, имав добра поддршка, можеби ќе се омажам, а можеби и не – рече пејачката.
Натпреварувачката на „Никогаш не е доцна“ тврди дека конкурсот е отворен и за мажи и за жени и дека само еден фактор ќе влијае на одлуката.
– Жика отвори конкурс за сите заинтересирани и за момче и за девојка, па надевајте се. Моето срце е жири, јас одлучувам сама. Моето срце одлучи не само да биде големо, туку и паметно – тврди Маријана, која за крај шеговито рече дека и таа со својот настап испратила порака:
– Ја пеев „Влези слободно“, сите имаат шанса.
Во вториот круг, пред самиот настап, директорот на „Гранд продукција“, Горан Шљивиќ, ѝ се обрати со зборови на поддршка.
– Немој да имаш трема. Изгледаш самоуверено. Од твоите информации слушнавме дека се занимаваш и со музика и со фотографија и разни други работи. Што, се разбира, тука ништо не помага. Беше во првиот круг, а сега сигурно ти е многу полесно. Многу полесно. Но, од твојата приказна заклучувам дека воопшто немаш трема. Сакаме да слушнеме дали имаш трема или не – рече Шљивиќ.
