Пејачката Дуња Илиќ е позната по своето скандалозно однесување, а неодамна повторно се најде во центарот на вниманието на јавноста поради семејна драма.
При жестока пресметка Дуња ја гризнала мајка си, што предизвика огромна бура на социјалните мрежи.
– Адвокатот ми рече на мајка ми и на брат ми да им дадам дваесет отсто од наследството што ми го остави татко ми, а остатокот да си го оставам на себе бидејќи тоа беше желба на мојот татко. Кога ѝ го кажав тоа на мајка ми, таа ме погледна и ми рече: Пи*** ти м*****, мала ку***. Мене тоа ме погоди, па налетав на неа. Истрча во кујната, зеде нож и ме пресече по десната рака, а јас ја гризнав – изјавила Дуња за срспски „Блиц“.
Дуња отсекогаш отворено зборувала за своето минато. Пејачката е родена во Белград во богато семејство, а како што самата рече, секогаш имала сѐ што сакала, но често се чувствувала осамено и признала дека родителите често ја запоставувале.
– Веќе на 12-13 години почнав да пијам по малку, така што на крајот се претвори во цело шише жесток алкохол дневно – призна пејачката во една прилика.
– Често менував училиште и класови додека не стигнав до тој степен да го изгубам правото на редовно средно образование. Го завршив училиштето вонредно. Кога имав 22 години, татко ми банкротираше – призна Илиќ и истакна дека нејзиниот татко се самоубил по овој настан.
Беше искрена и знаеше дека опијатите, пијалоците и цигарите ѝ го уништија гласот и кариерата. Зад себе има брак кој траеше само три недели.
Илиќ решила да ја смени верата, па преминала во ислам, а во 2017 година на Инстаграм објавила дека нејзиното тогашно момче починало поради употреба на недозволени супстанци.
