Мелина Џиновиќ (44), по разводот од пејачот Харис Џиновиќ, љубовта ја пронајде покрај богат бизнисмен (69) со кого живее во Монако. Изминатиот викенд таа се вери за својот нов избраник.
Станува збор за сопственик на голема бизнис-империја, кој живее во вистински луксуз.
Како што пренесува „Блиц“, Мелина и нејзиниот партнер по одредено време одлучиле да ја официјализираат својата врска, па тој ја запросил во саботата. Таа веднаш кажала „да“, а прославата се одржала токму во Монако.
Мелина летото го поминала на неговата луксузна јахта долга 48 метри, крстарејќи на разни дестинации.
Според домашните медиуми, таа моментално живее во раскошна некретнина во сопственост на нејзиниот свршеник. Станува збор за стан во зграда со уникатна архитектура, кој од едната страна гледа кон главната улица, а од другата — кон морето.
— Станот во кој сега живее Мелина не е нејзин, туку е во сопственост на нејзиниот партнер. Тој ја има оваа некретнина веќе неколку години. Познат е на пошироката јавност во Србија, но не би откривала повеќе. Вистина е дека е милионер и дека е постар од неа речиси 25 години. Мелина очигледно има афинитет кон постари мажи тоа ѝ е некој вид фетиш. Тој е буквално луд по неа и се труди да ѝ угоди во сè. Многу се дискретни и ретко се појавуваат заедно надвор — изјавила нивна сосетка за медиумите.
Исто така, тој ѝ помогнал преку своите контакти да отвори бутик во концепт-продавница каде што ги продава своите фустани. Мелина инсистирала да работи, за да не изгледа како само да седи во Монако и да троши пари, додава изворот.
