Церемонијата на доделување на Оскарите се најде на удар на критики откако не ѝ оддаде почит на починатата актерка Ен Хеч за време на годишниот сегмент „Ин Мемориам“.
Сегментот „In Memoriam“ беше трогателна искажана почит кон актерите кои си заминаа, нивните животи и кариерите, но и кон филмаџии и други професионалци од индустријата кои починаа во претходната година.
Оваа година, ѕвездата на „Брилијантин“, Џон Траволта, одржа говор за Ин мемориам-видеото со оддавање почит на Оливија Њутн-Џон и Кирсти Али, две негови покојни пријателки од филмскиот свет и партнерки во хит филмови.
John Travolta gets emotional as he introduces the “In Memoriam” segment at the #Oscars: “They’ve made us smile, and became dear friends who we will always remain hopelessly devoted to.” https://t.co/ndiKiHfmID pic.twitter.com/67NZN8e11d
— Variety (@Variety) March 13, 2023
И покрај спомнувањето на неколку други холивудски великани кои починаа во претходната година, како Џејмс Каан, Анџела Лансбери и Ракел Велч, сегментот не ја вклучи Ен Хеч, која почина во септември 2022 година.
Пропустот предизвика бура од протести на социјалните мрежи, при што многу гледачи го изразија својот шок и разочарување од одлуката на Академијата да не ја вклучи во „Ин мемориам“.
Некои гледачи ги критикуваа Оскарите за непризнавање на придонесот на Хеч во индустријата, додека други ја обвинија Академијата за „голем превид“.
Еден гледач напиша на Твитер: „Ја нема Ен Хеч во Ин Мемориам? Зарем таа не беше актерка цел живот? Одвратно“. Друг пак, твитна: „Многу е голем пропустот што не ја истакнавте Ен Хеч во Ин Мемориам, таа остави голем белег“.
The Oscars should be ashamed not including the deeply talented, too often underrated Anne Heche in their In Memoriam montage. #Oscars pic.twitter.com/maELOcWL9M
— Dustin Putman (@DustinPutman) March 13, 2023
„Оскарите треба да се срамат што не ја вклучија Ен Хеч, големиот талент, во Ин Мемориам“, се согласија повеќе твитерџии.
И покрај контроверзите, Академијата сè уште не се изјаснила за ова прашање, ниту пак понудила објаснување за отсуството на Хеч од сегментот In Memoriam.
