Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес нашата драга Теа со сите вас споделува еден брз и превкусен рецепт.
– Секогаш кога имам постар леб го користам за да ги направам овие превкусни пирошки кои ми се омилен појадок или мезе за со пријатели. Брзо се прават и што е најдобро нема да треба да правите тост или пржени лепчиња од стариот леб – вели Теа.
Потребни состојки:
1/2 леб (300-400 гр.)2 јајца100 гр. кашкавал100 гр. шунка50 гр. лебни трошки + за валање30 мл. масло за јадењесолориганоНачин на подготовка:
Во длабок сад иситнете го лебот. Додадете ги јајцата, лебните трошки и маслото и убаво измешајте да добиете леплива смеса. Во неа додадете ги кашкавалот и шунката ситно исецкани и измешајте.
Со влажни раце формирајте пирошки и извалајте ги во лебни трошки. Наредете ги во тавче на хартија за печење и попрскајте ги со масло.
Печете ги во загреана рерна на 250 степени 10-15 минути или испржете ги во загрено масло.
