Весникот, кој од своето основање се бори против политиката на московскиот режим, беше принуден од државната агенција Роскомнадзор да стави клуч на врата до крајот на конфликтот меѓу Русија и Украина.
View this post on Instagram
Притисокот на Русија врз независните медиуми не покажува знаци на запирање. Откако веќе во неколку наврати се судри со Кремљ, рускиот весник „Новаја Газета“ беше принуден да ги прекине активностите „до крајот на специјалната операција на територијата на Украина“ (начинот на кој од руските власти се бараше да зборуваат за инвазијата), и така мора да направи пауза и на печатените и на онлајн изданијата.
Соопштението доаѓа директно од редакцијата на весникот. Новаја Газета е позната по тоа што отсекогаш, од своето основање во 1993 година, бил опозициски весник во однос на владата на Владимир Путин.
На крајот на 90-тите весникот ги објавуваше колумните и написите на опозиционерката Ана Политковскаја, новинарка убиена во 2006 година. Сега пак, на удар е главниот уредник на Новаја Газета, кој е инаку добитник на Нобеловата награда за мир – Дмитриј Муратов, кој жестоко се бори да ја подигне свеста кај своите сограѓани за војната што е во тек.
Од 24 февруари, денот на руската инвазија на Украина, Новаја Газета застанува против одлуките на московскиот режим. Кога новинарката Марина Овсијаникова ја осуди војната во Украина и поради тоа беше уапсена, весникот веднаш зазеде став во нејзина одбрана. Поради оваа причина, на 28 март пристигна уште едно известување од страна на Роскомнадзор, државната агенција која ги „следи“ руските информации, принудувајќи го весникот да ја прекине својата активност.
❗Два предупреждение Роскомнадзора в год грозят отзывом лицензии СМИ.https://t.co/sXvDVAXbZXhttps://t.co/iu0M01IvTk
— Новая Газета (@novaya_gazeta) March 28, 2022
„Договорот е блиску“: РОМАН АБРАМОВИЌ му предал на ПУТИН белешка од Зеленски со предлози за мир!
