Австралискиот тенисер Ник Кириос деновиве е тема број еден со оглед на тоа што се пласираше во полуфиналето на Вимблдон. Ник го нарекуваат и „лошото момче на тенисот“, но освен со скандали, ова 27-годишно момче вниманието го привлекува и со својата љубовна приказна.
Од трибините за него навива студентката, девојката во која Ник е вљубен веќе пет години, а се вика Костин Хаци.
View this post on Instagram
Костин е страствена обожавателка на Ник. Освен за време на тениските натпревари, таа своето момче го придружува и на тренинзите. Неговата игра ја доживува многу емотивно и секогаш кога има прилика го бакнува и го гали по главата.
По осминафиналето, Ник отворено проговори за тоа колку му значи поддршката на неговата избранчка.
„Имам неверојатен тим кој ме поддржува. Мојот физиотерапевт е еден од моите најдобри пријатели. Мојот најдобар пријател е мојот агент. Ја имам најдобрата девојка на светот. Имам толку многу луѓе околу мене и сите ми даваат поддршка“, рече Кириос.
View this post on Instagram
Кириос призна дека знаел да губи многу време на телефон читајќи коментари за неговиот настап по големите натпревари, но додаде и дека покрај убавата Костин научил и да се „исклучува“.
„Кога ќе постигнете резултат, лесно е да се врзете за технологијата и да ги прочитате мислите на сите за натпреварот. Но сега се чувствувам како да можам да се исклучам од тоа. Тоа е голем дел од мојот раст. Очигледно е дека помага фактот што сум опседнат со мојата девојка, во состојба сум да се опуштам, да уживам во вечерта и да го одвојам тенисот од животот“, објасни тој.
Кириос има малку разнишана репутација со оглед на тоа што поранешната партнерка го обвини за злоставување. Манекенката Кјара Пасати проговори за насилството кое го доживеала за време на врската со тенисерот. Сега го чека судењето на почетокот на август, а обвиненијата предвидуваат максимална казна од две години затвор.
Сепак, и покрај тоа, Костин Хаци цврсто стои покрај него.
22-годишната студентка по психологија се забавува со Киргиос, кој е 5 години постар од неа, од декември 2021 година, а врската очигледно брзо напредува со оглед на тоа што парот веќе живее заедно. Се шпекулира дека славниот тенисер наскоро ќе ја запроси госпоѓицата Хаци.
