Секоја сабота со нас е метео прогнозерот Славчо Попоски кој нè информира како ќе биде времето во претстојната седмица.
– За време на овој викенд под влијание на многу топла воздушна маса која продира од северните предели на Африка, времето ќе биде многу топло и сончево со мала до умерена облачност. Сепак, утре во попладневните часови ќе има појава на локална нестабилност проследена со пороен дожд, грмежи, засилен ветер, а има и услови за локална појава на град. Температурите ќе се искачуваат во интервалот од 25 до 34 степени. Локална појава на попладневна нестабилност ќе има и во првите денови на следната недела, но ќе се задржи многу топло време – вели Попоски и дава кратка најава за претстојното лето: Нè очекува многу топло лето со чести продори на многу топла воздушна маса од Африка, температурите често ќе се искачуваат над 40 степени во најтоплите предели.
