Милица Тодоровиќ е една од најперспективните српски пејачки од помладата генерација која е на сцената речиси две децении. Во текот на својата кариера, Милица, како и сите други, се соочила со лоши ситуации и тешки периоди.
Во еден момент од својот живот, Милица Тодоровиќ се повлече од јавната сцена поради низ проблеми, па не се појавуваше јавно, а во неколку наврати зборуваше и за својата состојба.
Тодоровиќ потоа побара стручна помош, откривајќи дека многу нејзини колеги го гледаат решението во употребата на дрога.
– Фала му на Бога, тоа сега е зад мене и не сакам ни да се сеќавам на тие денови бидејќи бев навистина лошо. Сè ме заморуваше, и луѓето и музиката, но решив да побарам помош. Мислам дека е важно да се зборува за менталното здравје, затоа јавно го споделив мојот проблем, бидејќи тоа е сè уште табу-тема за луѓето. Може да ни се случи на сите нас и навистина би им препорачала на сите да се обратат на психотерапевт, психијатар или кој било друг ако не се чувствуваат добро, само за да избегнат убиство, самоубиство или препуштање на пороци – рече Милица.
Пејачката откри и дека многу луѓе се борат против потребата да консумираат нелегални супстанции.
– За жал, имаме многу такви примери во забавната индустрија … Многу мои колеги се борат со ова и којзнае кој сè уште зема дрога! Жал ми е за тоа, не ги обвинувам, само сакам да ги поддржам и да им кажам: „Видете, луѓе, јас успеав, и вие можете!“ – изјави Милица Тодоровиќ неодамна во емисијата „Балканска улица“.
