Младата босанска пејачка Џејла Рамовиќ доживеала незгода на еден свој настап, кога сосема случајно ја удрила девојка од публиката. Пејачката за „Гранд“ го опишала ова непријатно искуство и болката која морала да ја трпи.
– Секогаш има некој пех – се присетила Џејла на споменатиот настан за медиумите и навлезе во детали.
– На еден настап сцената беше висока, напред имаше девојка која беше многу среќна, а мојот микрофон беше до оградата. Додека се радуваше, се фрли преку таа ограда и удри во држачот за микрофонот и микрофонот ме удри во забите. Не можам да ја опишам болката, се уште имам поткршен заб.
Џејла додала дека со години оди на третман за исправување на забите и дека се грижи за нив, но се случуваат непредвидени ситуации.
