Ќерка на македонски политичар и млада манекенка и инфлуенсерка која била дел од извесна банда на познат либаснки диџеј кој живее на островот Миконос, е уапсена на грчкиот остров, за учество во криминална организација која дилала кокаин и XTC во клубовите, открива protothema.gr.
Покрај експлозивната 21-годишна русокоса, како што пренесуваа грчките весници, бил и 34-годишник од Скопје, и 35-годишен познат либански диџеј со грчко државјанство, од добро ситуирано семејство со адреса во Атина. Диџејот во текот на летните месци редовно се селел на Миконос каде делувал со скопската банда.
Полицијата извесно време ја следела бандата, се вели во protothema.gr, а екипата од Скопје имала различни улоги. Конкретно, 34-годишникот како водечки член, по негова наредба и под негово водство, ги упатувал своите соучесници каде да ја чуваат дрогата и како да ја прават достапна на пазарот и како да собираат пари од продажбата, додека 35-годишник со помош на впечатливата 21-годишна инфлуенсерка чиј татко е политичар од Македонија, а мајка ѝ е адвокатка, имала задача да ги наоѓа клиентите.
Полицијата од Миконос среда утрото го одредиле како ден за рација за да го фатат „обрачот“ и да стават крај на неговата активност. Така, рано наутро, кога полицајците дознале дека „тројката“ си ги подготвува куферите за да се преселат на друго место, за да ги покријат трагите, решиле да интервенираат.
Во 14:55 часот направиле рација во домот каде што биле сместени – додека русокосата манекенка и водачот на бандата биле во продавница, пронашле докази и ги уапсиле членовите на бандата. Во истрагите што ги извршиле ја пронашле и заплениле дрога: 437 таблети XTC , 220,3 грама кокаин, 270,9 грама метамфетамин, 159,4 грама канабис, додека истрагата за идентификување на нивните контакти продолжува.
Во полициската акција властите го уапсиле и либански диџеј кој бил клиент на скопскиот картел за кокаин. 36-годишниот жител на Атина, кој потекнува од добро ситуирано семејство и вообичаено летувал на Миконос, поседувал 3,7 грама кокаин. Тој, всушност, во изјавата што ја дал во полиција тврдел дека дрогата ја набавил од криминалната група, пренесува грчкиот весник.
