Познатиот музичар Љубиша Стојановиќ Луис трагично го загуби животот на денешен ден, 31 јули 2011 година.
Роден е на 25 јуни 1952 година во Лесковац, а прекарот Луис го добил на деветгодишна возраст, поради неговите успешни интерпретации на песните на Луис Армстронг.
Беше меѓу првите што го споиле џезот со српскиот фолклор.
Со првата сопруга добиле син, по што следела голема трагедија.
„Не сум личност што може да се врзе за едно место. Таа мислеше дека треба да бидам просветен работник, а не музичар, и затоа ме остави во 1979 година кога бев во војска. Кога избувна војната во Словенија, таа се самоуби“, се присети своевремено Луис за „Story.rs“.
Иако не планирал повторно да се жени, ја запознал Дубравка, на која ѝ посвети една од неговите најпознати песни – „Дудо“. ГИ добиле синот Марко и ќерката Маја, кои тргнале по стапките на нивниот татко.
„Можам да кажам дека кон музиката чувствуваше речиси иста љубов како и кон семејството. Таа, едноставно, беше дел од него и од неговиот живот. Ако за некого има многу да се зборува, тоа е тато. Има многу спомени кои никогаш нема да бидат заборавени. Покрај музиката и сè што направи, има и разни авантури кои сите што го познаваа ги преживеале со него. Тој секогаш ќе биде тука, нема да исчезне“, рече таа за „Pink.rs“.
Третата сопруга Силвана ја запознал случајно, кога таа дошла во неговото студио со пријателка. Оваа љубов му донела уште три деца, Сергеј, Андреј и Ела Мита.
Луис трагично загина во сообраќајна несреќа на 31 јули 2011 година во Фекетиќ, а беше погребан на 4 август на гробиштата „Збег“ во Борча. Својот последен настап го одржа на 22 јули истата година во клубот „Јеж“ во Сараево.
