Познатиот македонски композитор и музичар кој живее и работи во Њујорк, Дуке Бојаџиев, ќе одржи концерт во Скопје на 8 мај, по повод Денот на Европа.
Настанот ќе се случи во Градски парк, а е во организација на Делегацијата на Европска Унија и Европската куќа во Скопје.
Концертот е отворен за широката јавност.
Тоа ќе биде прв настап на Бојаџиев во Скопје по концертите во Филхармонијата пред четири години, а најавено е дека ќе го придружуваат реномирани меѓународни и домашни музичари.
