Режисерот и актерката се во врска нешто повеќе од една година, а сега заедно работат и на филмот „Beetlejuice 2“.
58-годишната италијанска актерка и модел Моника Белучи во интервју за шпанскиот Харперс Базар искрено проговори за врската со познатиот американски режисер, 64-годишниот Тим Бартон.
View this post on Instagram
Романсата на парот стана позната минатата година, но немаше официјална потврда за тоа, освен случајни фотографии направени од папараците. Посилни докази кои сугерираат дека тие се сериозни во врската дојдоа откако Тим и Моника отпатуваа заедно на филмскиот фестивал Лумиер во Лион во октомври 2022 година. Во тоа време тие беа во врска четири месеци.
Сега, италијанската филмска ѕвезда отворено призна зошто се заљубила во овој човек.
„Најдов прекрасен дух во Тим. Запознав неверојатна душа“, ги опишала актерката чувствата кон режисерот. Инаку, за прв пат нивните патишта се вкрстија во 2006 година на црвениот тепих на Канскиот филмски фестивал, но во тоа време и двајцата беа во врска.
Во разговорот, таа го опиша и нејзиниот однос кон славата, бидејќи нејзината кариера трае од раните 1990-ти:
„Славата е меч со две острици, предизвикува многу љубопитност, а може да предизвика и конфликтни чувства. Кога не работам, сакам да водам нормален живот: одам на шопинг, ги носам ќерките на училиште“.
Нешто порано, во разговор за Ел Франс, Белучи одговори на прашање за нејзината романса:
„Што да кажам… Најпрво, мило ми е што го запознав овој човек. Ова е една од оние средби што ретко се случуваат во животот… Ја познавам оваа личност, ја сакам, а сега ќе се сретнам со режисерот, започнува друга авантура“.
Таа ги пофали неговите режисерски способности додека работеше со него на сетот на Beetlejuice 2:
“Го сакам Тим. И многу го почитувам Тим Бартон. Го сакам овој свет на соништата каде чудовиштата се љубезни, како да можеме да ги претвориме нашите темни аспекти во нешто светло и во простување. Филмовите на Тим Бартон зборуваат многу за тоа.”
View this post on Instagram
Моника беше двапати мажена. Белучи беше во брак со фотографот Клаудио Карлос Басо од 1990 до 1994 година. На сетот на филмот „The Apartment“ во 1995 година, таа го запознала францускиот актер Винсент Касел и се омажила за него во август 1999 година. Во брак се родија ќерките Дева и Леони. Сепак, бракот на двете ѕвезди не го издржа тестот: во 2013 година, парот раскина и се разведе, но останаа блиски.
Тим Бартон беше во врска со актерката Хелена Бонам Картер од 2001 до 2014 година.
