Актерката Марија Каран е евакуирана со своето дете и поранешниот сопруг од опожарениот дел на Лос Анџелес.
Нејзиниот сопруг поседува луксузна вила од која морале да заминат.
Сега таа проговори поради страшните пожари кои буквално оставаат целосно уништени населби низ Лос Анџелес.
Марија, иако разведена, има добри односи со Џоел, со кој има син, па често престојува таму.
Актерката објави слика од Лос Анџелес во пламен и загрижено рече:
– Безбедно сме евакуирани. Молете се за погодените. Молете се за Лос Анџелес – напишала Марија.
Панична порака од Лос Анџелес испрати и сопругата на Владе Дивац.
– Многу од моите пријатели ги загубија своите домови во последните неколку дена. Работејќи со бегалците толку многу години, ја разбирам болката и шокот од губењето дом. Сè уште чекаме да видиме што ќе се случи со нашиот сакан град Лос Анџелес и ја нудиме нашата помош на секој можен начин – напиша Ана Дивац и додаде:
– Моето маало, спомените на моите деца, нашите семејни спомени ги нема – напиша таа.
