Нејзината ќерка важи за една од најдобро облечените жени во светот, па не е чудно што Керол Мидлтон инспирацијата за појавувањето на Royal Ascot ја побарала од нејзината ќерка, војвотката од Кембриџ.
Мајката на војвотката од Кембриџ, Керол Мидлтон, денеска се појави во друштво на својот сопруг Мајкл Мидлтон на традиционалниот Royal Ascot, од кој годинава отсуствуваше кралицата Елизабета Втора, а не се појави ни самата Кејт Мидлтон. Свесна дека секој нејзин потег ќе биде внимателно следен, Керол Мидлтон внимателно размислувала за својот изглед и стајлинг, па решила да оди на веќе испробана комбинација од нејзината ќерка.
View this post on Instagram
Пастелно розовиот фустан го носи потписот на брендот ME + EM, украсен е со мали набори и копчиња по целата должина и розов ремен на половината, а Керол го искомбинирала со црна необична капа.
Кејт Мидлтон се појави во идентичен фустан на средбата во Единбург со девојчето Мила, чија омилена боја е розовата, пред точно една година. Мила Снедон е девојче које боледува од леукемија, а нејзината приказна особено ја трогна Кејт Мидлтон, па за средбата со неа Кејт облече фустан во омилената боја на девојчето.
View this post on Instagram
Нијансата на фустанот што потсетува на бојата на слатки розови бонбони беше полн погодок, а стајлингот на Кејт измами насмевка на лицето на девојчето.
Засега не е познато дали Керол Мидлтон посегнала во плакарот на нејзината ќерка или толку многу ѝ се допадна фустанот што сакала да го има и во нејзиниот плакар.
