Лепа Брена организираше прес-конференција на која најави предновогодишен концерт во Сава Центар. Пејачката ги поздрави насобраните новинарски екипи, а потоа ги откри деталите за спектаклот што го подготвува, како и што прави веднаш кога ќе дојде дома по новогодишната ноќ.
– Сите што ќе бидат таму сигурно ќе си заминат со големо чувство дека влегуваме во 2025 година со фантастична енергија, на која се фокусирав. Едноставно како што мозокот замислува дека треба да го реализираме. Сите што ќе бидат ќе уживаат во спектакуларен пречек и очекувам оваа 2025 година да биде поздрава, посреќна и поуспешна за сите – рече Брена и откри како ќе го помине првиот ден од 2025 година со своите домашни.
– Ќе се видиме наутро во пижами. Сите сакаме да се вратиме дома после Нова година, да облечеме новогодишни пижами, да ги облечеме оние специјални капи, да ја избришеме шминката и да уживаме во храната што не смееме да ја јадеме цела година, а тоа се јаглехидратите, повеќе месо, мрсни сарми и многу колачи и така со толку полни стомаци да си легнеме – откри Лепа Брена.
– Кај нас подготовката на храна стана донекаде култен настан бидејќи сите во моето семејство сакаат да готват освен мене, јас сакам вино. Ми рекоа дека тоа не го правам баш најдобро, па според старата навика „попаметниот попушта“, па така престилката им ја дадов на оние кои знаат да го направат тоа – изјави пејачката.
