Весна Змијанац се појави на настан во Белград каде проговори за својата здравствена состојба. Дивата на народната музика како и секогаш се фати за микрофонот и ги забавуваше гостите со дел од нејзините многубројни хитови. Здравствената состојба на Весна Змијанац пред неколку месеци беше многу лоша, а пејачката извесно време не пееше, на жалење на оние кои уживаат во нејзиниот глас.
Весна, која на прославата се појави многу послаба, призна дека не може без пеењето и дека едвај чека да се врати на работа. Таа признала дека лекарите ѝ забраниле да пее, но таа моментално не ги слуша нивните совети и го прави тоа на сопствена одговорност.
За потсетување, на Весна минатата година и беше поставен бајпас, а неколку месеци подоцна се врати на работа. Но, и по операцијата се случи Змијанац да откаже еден настап поради лошата здравствена состојба.
