Сека Алексиќ и Вељко Пиљикиќ уште еднаш покажаа дека нивната љубов и заедништво се совршена хармонија. Пејачката и нејзиниот сопруг уживаат во летниот одмор заедно со синовите Јаков и Јован, а Сека сподели фотографии полни со насмевки и нежност на Инстаграм. Додека блескаше во лежерен фустан за на плажа, Вељко ги покажа своите извајани мускули, што веднаш го привлече вниманието на нејзините следбеници.
Вељко е познат по неговиот специфичен имиџ, а нивните следбеници сè уште го паметат моментот кога Сека еднаш го покажа без брада и со кратка фризура за време на патување со авион. Тогаш многумина едвај го препознааа, додека жените во коментарите велеа дека е вистински „даса“.
Сека во повеќе наврати зборуваше за тоа колку многу ѝ значи нејзиниот сопруг да се чувствува сакан и почитуван.
– Секој ден сакам тој да се чувствува како крал во своето кралство, а јас како негова кралица – рече пејачката, нагласувајќи дека нејзина најголема радост е да го изненадува Вељко со ситници што имаат посебна вредност за него.
– Секој ден му организирам мали работи на мојот сопруг што тој ги почитува и сака. Сакам да му дадам сè и сè да му биде на дофат на раката – рече таа.
– Најмногу сакам да го израдувам кога сум сама со децата. Тогаш мисли дека ќе јаде нешто што останало од вчера или ќе пие протеини затоа што „Светлана нема време да му зготви нешто“. А кога ќе дојде, на масата го чекаат три јадења, а потоа уживам гледајќи го. Секој може да купи подарок, но во овие моменти всушност се покажува љубовта и жртвувањето – заклучи Сека за „Свет“.
Фотографиите и емоциите што Сека и Вељко ги споделуваат со јавноста покажуваат дека нивната врска од година во година е сè посилна.
Љубовта, вниманието и заедничките моменти со нивните синови се она што го прави нивниот брак стабилен и полн со топлина, а публиката со радост го следи секој нивен чекор.
View this post on Instagram
