Кара Делевињ се отвори за својата битка против зависноста велејќи дека целосното отфрлање на алкохолот ѝ донело позитивна промена во животот.
Во интервју за британскиот „Ел“ супермоделот сподели дека откажувањето од алкохол ја направило стабилна и посмирена.
Делевињ минатата година се пријавила на рехабилитација поради проблеми со злоупотреба на супстанции откога признала дека папараци-фотографиите од нејзиното непредвидливо однесување на аеродромот служеле како проверка на реалноста.
„Не беше лесно, но никогаш немаше момент да кажам: ова не вреди“, рече таа за магазинот.
„Вредеше секоја секунда. Сега сум стабилна. Сега сум посмирена“.
Кара призна дека говорењето за нејзините тешкотии крева голема тежина од нејзините рамена.
„Долго време се чувствував како да се кријам од луѓето што се огледуваа на мене. Конечно, се чувствувам дека можам да бидам слободна и целосно своја“, додаде таа.
30-годишната убавица се отвори за своите проблеми во интервју за „Вог“ во април, каде што проговори за своите проблеми со злоупотреба на опијати и патувањето кон долготрајна трезвеност.
Делевињ рече дека или „ќе завршела мртва или ќе направела нешто навистина глупаво“ ако не побарала лекување.
