Хрватската пејачка Јелена Розга го најави својот седми концерт во декември во белградскиот Сава центар и со тоа го собор рекордот на векот на таа сала.
„Бројот 7 ме следи цел живот. Уште пред да го објавиме првиот Сава центар, сонував за 7. Среќни 7. Ви благодарам што сте крилја на моите соништа и што можам да го најавам последниот концерт од овој циклус во Сава центар. За секоја капка ваша љубов, враќам 7. Се гледаме и на 30.12.“, порача таа на социјалните мрежи.
Таа ги распродаде првите шест концерти. Јелена настапува во најголемата, Сината сала, која од годинава има зголемен капацитет.
„Таа сега има и зголемен капацитет за 10 отсто, односно за 400 седишта. Така, Сината сала има 4.050 седишта. Технолошки ја опремивме салата за да ги исполни светските стандарди на конгресната, културната и уметничката сцена“, соопштија претходно оваа година од Сава центар.
Јелена за шест концерти продаде 24.300 седишта, а ако го распродаде и седмиот, таа бројка ќе се искачи на 28.350. Таа веќе го собори рекордот на српската пејачка Марија Шерифовиќ, која на почетокот на годинава одржа шест концерти во таа сала.
Концертите ќе се одржат на 20, 21, 26, 27, 28, 29 и 30 декември. Во април 2023 година, таа настапи и во белградската Штарк Арена, а неодамна ја заврши својата турнеја „Минута на срцето мое“ во Сараево.
