Пејачот Михајло Веруовиќ Војаж ја коментираше музичката ѕвезда Јелена Карлеуша и нивниот турбулентен однос.
Имено, Јелена е позната по тоа што нема влакна на јазикот, особено кога се работи за луѓе со кои не е во добри односи, како што е, на пример, Светлана Цеца Ражнатовиќ.
Така таа неодамна го коментираше дуетот „Мушкарчина“ што нејзиниот ривал го сними со Војаж, со кој и Јелена имаше несогласувања, нарекувајќи го најлош досега.
Ниту Војаж не ѝ остана должен на музичката ѕвезда, па ја коментираше слушаноста на нејзините албуми, а сега пејачот повторно зборуваше за Карлеуша, но со многу пофални зборови.
-Ја почитувам Карлеуша. Мислам, тоа го кажувам од самиот почеток. Таа се налути затоа што искоментирав, дадов мое лично мислење, дека првиот дел од нејзиниот албум не е добар како вториот. Вториот дел од албумот има песни кои се навистина феноменални и тоа го имам истакнато неколку пати. Но, имам голема почит кон неа. Таа има многу голема кариера и постои долго време. И таа навистина знае што прави, и во што сум 100 отсто сигурен е дека без разлика како изгледа сега… Некаде длабоко во себе верувам дека се што прави го прави промислено и со перформанси. Не верувам дека во сите милиони што ги има и во луксузниот живот што го живее, без грижи, со прекрасно семејство, навистина и е грижа што прави Војаж или што прави некој. Мислам дека го прави тоа затоа што знае како треба да се направи настап и затоа ја почитувам – рекол Војаж, пренесува Телеграф.рс.
