Луна Ѓогани, ќерка на познатата музичка двојка Анабела Атијас и Гаги Ѓогани, стана едно од најпрепознатливите лица на домашната риалити сцена благодарение на учеството во првите три сезони на ријалити шоуто „Задруга“.
Појавувањето на Луна во овој формат предизвика бројни реакции од јавноста, токму поради нејзините емотивни врски, но и семејните.
Не е тајна дека многу луѓе ја осудувале во тој период, а Луна сега си ја отвори душата во разговор со нејзината поранешна цимерка од Белата куќа, Милица Кемез, и откри како таа гледа на тоа.
– Колку ти значи тоа што оние што некогаш плукаа по тебе сега ти се извинуваат и те фалат? – праша Милица.
– Не ми значи ништо бидејќи не се хранам со тоа, ако некој ми се извинува, се чувствува лошо, згрешил и така натаму… Важно ми е што сега знам дека не сум направила ништо лажно. Генерално, знам дека не сум им направила ништо лошо на тие луѓе кои ме нападнаа, плукаа и навредуваа без причина и тие го знаат тоа и нема потреба да ме мразат, да не ме сакаат и да ме плукаат – објасни Луна.
– Сите ја смислија реченицата „Луна е добар човек“, дали тоа може барем малку да го ублажи теророт низ кој помина – додаде Кемезова.
– Ништо не може да го ублажи она низ што поминав, јас најдобро знам како се чувствував во тие ситуации и низ што помина мојата душа. Но, повторно велам, не живеам со потсетување на тоа, не држам злоба кон никого, не заборавам, но да живеам со таа енергија да бидам лута или бесна на некого, не – рече Луна во емисијата „За повеќе информации“.
Колку и да ѝ донесе лоши работи ријалити шоуто на Луна, токму таму се роди љубовта меѓу неа и Марко Миљковиќ, со кого денес ужива во хармоничен брак и во семејството на две принцези – Миа и Лана.
