Петтиот дел од сагата за Индијана Џонс, насловен Индијана Џонс и бирачот на судбината (Indiana Jones and the Dial of Destiny), беше премиерно прикажан на Канскиот филмски фестивал. Ѕвезда на филмот е Харисон Форд, кој едвај ги задржа солзите неколку пати за време на премиерата. По завршувањето на филмот, аплаузот траеше пет минути, пишува Варајети.
Calista Flockhart and Harrison Ford attend the “Indiana Jones and the Dial of destiny” red carpet at the 76th annual Cannes film festival. #Cannes2023 @Festival_Cannes @Cannes_France @CannesPalais #HarrisonFord #IndianaJones
More #GettyVideo 🎥Mark Case 👉https://t.co/m8SEk8jfES pic.twitter.com/SqnMZSIP0u
— Getty Images Entertainment (@GettyVIP) May 18, 2023
Форд беше одлично примен на фестивалот, а илјадници обожаватели го скандираа неговото име на црвениот тепих. По премиерата на филмот, светските медиуми ги објавија првите впечатоци, а филмот ќе почне да се прикажува во кината ширум светот кон крајот на јуни.
Петтиот филм со Индијана Џонс наиде на различни реакции после светската премиера. Сите се согласуваат дека новиот дел е подобар од претходниот, Индијана Џонс и Кралството на кристалниот череп. Но, критичарите се согласуваат дека филмот не ја достигнува кулминацијата на оригиналната трилогија.
Филмскиот критичар Питер Бредшо на филмот му даде оценка три (од пет). Во својата рецензија за „Гардијан“ тој напиша дека франшизата „сè уште има класа од старата школа“ и го нарече крајот на филмот „диво смешен и забавен“.
Роби Колин од Телеграф беше покритичен, давајќи му на филмот две ѕвезди. Тој го нарече „бледа копија на непроценливо богатство“ и рече дека нема искра во филмот.
Овен Глајберман од Варајати рече дека филмот е потсетник дека „дури и ако го реконструирате акциониот етос од минатото, да се долови истата возбуда е многу потешко“.
Дејвид Ерлих од ИндиВајр го нарече филмот губење на време, но она што му падна во очи е говорот на ѕвездата на филмот по премиерата. „Како некој кој никогаш не почувствувал длабока приврзаност кон Харисон Форд, сфатив дека неговиот плачлив говор по прикажувањето е неверојатно срдечен и трогателен“, рече тој.
A reporter at #Cannes told Harrison Ford: “I think you’re still very hot.”
Ford replied: “Look, I’ve been blessed with this body. Thanks for noticing!”https://t.co/c6p4UXtM4X #Cannes #IndianaJones pic.twitter.com/yuUfSQblOq
— Variety (@Variety) May 19, 2023
Џон Нуџент од Емпајар беше подарежлив од неговите колеги. На филмот му даде четири ѕвезди и рече дека изведбата на Фиби Волер-Бриџ е одлична.
Фриленсерот Роберт Блокланд го пофали филмот. „Индијана Џонс и бирачот на судбината е одличен. Фиби и Медс се многу добри. Треба да се види крајот за да се поверува“, напиша тој.
Деталите за заплетот на филмот остануваат во тајност. Познато е дека најмногу се снимаше во летото 2021 година во Обединетото Кралство. Снимањето било прекинато кога Форд се здобил со повреда на рамото. Сцените во филмот се снимени во Глазгов, Нортамберленд, Јоркшир и Лондон. Форд мораше да се подмлади за потребите на филмот.
„Форд е неверојатно талентиран и агилен и тоа му овозможи лесно да ги одглуми сите сцени. Технологијата вклучена во процесот на снимање е сосема друга работа“, изјави претходно режисерот на филмот Џејмс Манголд.
„Имавме тони снимки од него во крупен кадар, во среден, широк, со силни и со слаби светла… Еден ден го снимавме 79-годишниот Форд како го игра 35-годишниот Индијана, а два дена подоцна неговото лице беше сосема поинакво и дигитално.подмладено“, вели режисерот.
Инаку, Дизни пред неколку месеци потврди дека овој филм за Индијана Џонс ќе биде последниот дел од франшизата. Харисон Форд го отелотвори овој лик за прв пат во 1981 година. Претходниот филм, Индијана Џонс и Кралството на кристалниот череп, исто така беше премиерно прикажан во Кан во 2008 година.
