Во отворањето на својот говор Путин им честита на руските борци: „Другари офицери, подофицери, другари генерали и адмирали, ви ја честитам 77-годишнината од големата победа. И сега во овие денови се борите за нашиот народ во Донбас, за безбедноста на нашата татковина“. Потоа тој вели: „На крајот на минатата година Западот отворено подготвуваше напад врз Донбас и Крим, во Киев имаше барања за нуклеарно оружје што создаде неприфатлива закана токму на нашата граница. Западот подготвуваше инвазија на нашите територии“, рече претседателот, кој офанзивата во Украина ја нарече „превентивна, неопходна и праведна операција“. „Рускиот претседател тогаш потсети дека од земјите на НАТО побарал договор за гаранции за безбедноста, но , се пожали тој, „не слушнавме“.
Рускиот претседател ги обвини западните земји за морална деградација и рече дека на американските ветерани им е забрането да учествуваат на парадата на V-Day во Москва. „На Запад, очигледно, решија да ги избришат милениумските вредности“, рече тој од трибината на Црвениот плоштад пред почетокот на парадата.
За време на говорот Путин побара едноминутно молчење за војниците загинати за време на Втората светска војна и за оние во тековните борби во Донбас и за оние кои се уште се борат во таа област, тој рече: „Им се обраќам на нашите вооружени сили и војници во Донбас: се борите за домашната безбедност и за иднината“, за да „нема место во светот за нацистичките криминалци“.
