Пејачката Александра Пријовиќ и нејзиниот сопруг и соработник Филип Живоиновиќ пред да се венчаат купиле луксузна куќа на Бежаниска коса и за неа подигнале кредит од 500.000 евра.
Нивниот дом има дури четири спални соби, а недвижноста што ја купиле Александра и Филип се наоѓа во близина на куќата на Лепа Брена и Боба Живоиновиќ.
Посебен детаљ во дневната соба е белото пијано, украсено со фигури на бели ангели и белото цвеќе. Во куќата има и неколку гломазни огледала, а на Александра особено ѝ е омилено она во спалната соба, пред кое често се фотографира.
View this post on Instagram
Пејачката сака да се релаксира со кафе на терасата, каде има прекрасен поглед. Меѓутоа, кога станува збор за дворот, тој не може да се види од улицата поради високата метална капија, па семејството има приватност додека ужива во него.
Да потсетиме, брачната двојка купи имот од 500.000 евра.
View this post on Instagram
– Филип и Прија решија да подигнат кредит за луксузна вила, која чини околу половина милион евра. Сакале да живеат блиску до неговото семејство, па соседи ќе им бидат Брен и Боба – рекол изворот и додал дека на семејството Живоиновиќ им била важна и локацијата на новиот дом.
Иако нејзината работа бара чести патувања и настапи до раните утрински часови, Александра, како што еднаш откри, не е ноќна птица, туку сака слободното време да го поминува во семејното гнездо.
– Најмногу уживам кога сум со семејството, кога сум со син ми. Сакам да лежам и да гледам телевизија. Само да не морам никаде да одам – признала Александра за „Стори.хр“ и истакнала дека најмногу ја опушта кога е дома.
– Бидејќи немам многу време, еднаш или двапати месечно ме фаќа лудило, па чистам низ дома. Бидејќи куќата е на четири нивоа, одвојувам цел ден и спремам од подрумот нагоре. Имам куќна помошничка, но сите ќе се согласат дека сопственикот најдобро си го чисти својот простор – вели Александра.
Во соседството на Александра Пријовиќ имаат само пофални зборови за младата пејачка. Како што велат, претходно често ја гледале во лежерна облека како со синот го посетува игралиштето во соседството.
Да потсетиме, Александра Пријовиќ (28) својата турнеја „Од исток кон запад“ ја започна со концерти во белградска арена, а потоа стана феномен во Хрватска, каде распродаде пет Арени во Загреб, имаше и пет концерти во Осиек, а викендов одржа три концерти во Нови Сад.
