Македонската инфленсерка и мејкап артистка Зорица Матијашиќ, или позната како Зои Блаж, веќе две години живее во Германија. Таа замина поради ракометниот ангажман на нејзиниот сопруг Тадеј Матијашиќ.
Зои Блаж е во брак со словенечкиот ракометар Тадеј, кој потекнува од стариот рибарски град Изола. Парот живее во планинско германско гратче кое се вика Зул и има население од околу 36.000 жители, а оттаму ја споделија и убавата вест за приновата која ја очекуваат.
Имено, Зои на својот инстаграм-профил објави емотивно видео и неколку фотографии држејќи балон во форма на срце и ехо-снимка, а покрај неа стои сопругот. Со тоа тие открија дека го очекуваат своето прво дете.
„Нашиот најголем благослов е на пат“, напиша таа покрај видеото.
