Српскиот рапер Михајло Веруовиќ, попознат како Војаж, на социјалните мрежи објави видео на кое се гледа како неговиот автомобил завршил надвор од патот. За среќа, освен маката да се извлече возилото, оваа несреќа немала поголеми последици за музичарот.
Инаку, Војаж во целата ситуација, успеал да направи и видео.
На видеото кое Војаж го објави на Инстаграм, тој излегува од автомобилот кој завршил целосно надвор од патот во каллив ендек.
Ниту раперот, ниту неговите придружници не се повредени, а судејќи по насмевката на лицето на Војаж, ситуацијата не била сериозна. Набрзо пристигнала помош за музичарот, а тие со друг автомобил се обиделе да го вратат на патот неговиот автомобил кој бил заглавен во калта.
Снимката ги загрижила следбениците на Војаж, кои му испратиле бројни коментари и прашања за инцидентот. Иако раперот не прецизирал како точно се случило сето тоа, забележливо е дека времето било лошо, како и патот кој исто така бил покриен со многу снег.
