Хрватската пејачка Северина за време на викендот пееше во Цриквеница, а на социјалните мрежи покажа дека наместо гламурозен фустан и фризура, концертот го завршила во бањарка, влечки и со пешкир на главата.
Споделувајќи детали од концертот, пејачката покажа дека поради тоа што на крајот било исклучително жешко, аутфитот за концертот го заменила со многу полежерни парчиња.
Најпрво мократа коса ја завиткала во пешкир, а на крај концертот го завршила шетајќи се во влечки и бањарка.
View this post on Instagram
„Доказ дека дојдов со фризура се дел од видеата зад оваа“, се пошегува пејачката споделувајќи детали од настапот, а меѓу другото има и момент кога се обидува да се олади со помош на еден обожавател.
Во врска со тоа, таа се пошегува: „Никогаш не сум била подобро пречекана од обожавател на сцената“.
Објавата содржи и моменти со нејзиниот тим зад сцената, а пејачката најави и објавување на нови песни.
View this post on Instagram
Концертот на Северина во Цриквеница бил организиран по повод отворање на хотел, а се одржал на плажата. Според хрватските медиуми, овој настан собрал близу 3.000 посетители.
