Пејачот Стефан Здравковиќ, попознат како Принц од Врање, доживеа пех на еден настап, од кој сериозно можел да се повреди.
Имено, бидејќи во близина на бината имало пиротехнички средства и еден куп огномет, пламенот ја зафатил и косата на пејачот, па главата почнала да му чади.
За среќа, веднаш му притрчале напомош за да му ја исчистат бујната коса од искрите, а неговата реакција на сè е целосен шок, со оглед на тоа што не престанал да пее ниту еден момент додека тоа се случувало!
– Синоќа бев во пламен, но буквално – се пошегувал пејачот на својот профил и на својата инстаграм-приказна сподели видео од настапот.
Инаку, Стефан на јавноста ѝ стана познат по натпреварот за песна за Евровизија, каде важеше за еден од фаворитите.
Заштитен знак на пејачот му е долгата коса, а ужива голема популарност кај понежниот пол.
