Музичката дива Лепа Брена пристигнала во инвалидска количка во Сава Центар, и веднаш излегла на сцената да ја дочека Новата година со публиката.
Брена, насмеана во блескавиот долг фустан, пристигнала во салата, а ѝ помогнале членовите кои ја донеле во количка поради неодамнешната повреда што ја имаше.
Откако била донесена на сцената, Брена со помош на патерици преминала на столот кој бил специјално дизајниран за нејзиниот настап.
Таа веднаш направила атмосфера за паметење и ја кренала публиката на нозе.
По одбројувањето, Брена им посакала на сите „Среќна Нова година“, а потоа продолжила да ги пее своите хитови.
Фотографиите од настапот на Лепа Брена можете да ги погледнете ТУКА, а видеото на овој линк – ТУКА.
Да потсетиме, Брена заработи повреда на третиот концерт во загрепската Арена, кога го скрши зглобот, поради што заврши на итна операција.
– Драги мои… Животот нè потсети, по којзнае кој пат, колку е важно да се задржиме во срцето и да се сеќаваме на сè убаво што имаме, бидејќи ништо не се зема здраво за готово и сè поминува брзо. Но, исто така, нè потсетува дека убавите моменти секогаш доаѓаат повторно и повторно. За жал, синоќа за време на еден од незаборавните моменти на концертот, до половина од концертот се случи несреќа кога снимателот падна врз мене и како последица на тој пад ја скршив ногата. Не сакав да престанам, но за љубов на сите вас во Арената продолжив да пеам. Добрата вест е дека сè ќе биде во ред, но во моментов ми треба малку време да се опоравам. Вашата љубов, поддршка и трпение во овој период ни значат многу. Ви благодарам од срце. Наскоро ќе ве информираме за новите термини за одложените концерти. Ви благодариме за разбирањето и што сте секогаш со нас. Вашата Брена – рекла тогаш пејачката.
