Познатата пејачка Бебе Реџа со етничко албанско потекло од Македонија, чија мајка е од Гостивар, а таткото од Дебар, викендов настапи на фестивалот „Сани Хил“ во Косово. Пејачката за првпат беше во посета на Косово, а тогаш за косовските медиуми најави дека додека е на фестивалот сака да отпатува и во родниот крај на својот татко.
Сега, Реџа на својот инстаграм-профил покажа дека навистина дошла во посета на Дебар и сподели неколку фотографии и видеа од моментите со своите роднини.
Пејачката уживала во дружбата со фамилијата, а му оддала ѝ почит на својот покоен дедо на локалните гробишта. Покрај фотографиите таа напиша дека фамилијата ѝ значи многу, а оваа посета ја потсетила на важноста на врските со роднините.
„По 12 години се вратив во родниот град на татко ми, во Дебар, Македонија. Повторното поврзување со моите корени и семејството беше длабоко емотивно. Посетата на гробот на дедо ми беше особено значајна, бидејќи не можев навреме да присуствувам на неговиот погреб додека бев на турнеја. Семејството ми значи сè, а оваа посета ме потсети на важноста на нашите врски“, напиша таа.
View this post on Instagram
