Христина Дунимаглоска е слаткарка по професија, а со одгледување на цвеќе активно се занимава пет години.
Дворот на Христина се протега на 80 квадратни метри, а го разубавува градот Прилеп.
Ни открива дека најмногу ја сака сурфинијата бидејќи е раскошна, па токму тој вид цвеќе доминира во нејзиниот двор – за кој вели се грижи сама. Во доминацијата, на сурфинијата ѝ прави „друштво“ и ползечката лита.
Секојдневно Христина им посветува на своите убавици најмалку по час за нега, додека на почетниците во градинарството им порачува најпрво да го сакаат цвеќето, а потоа „сè по ред – дохрана, прскање, навремено наводнување и многу љубов.“
Инаку, Христина е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија.
Фото – приватна архива
(Фото сторија) 70 квадрати цветна убавина, Снежана ни ги отвори вратите на својот сончев двор
