Српскиот актер Милан Мариќ, кој се прослави со улогата во филмот „Тома“, се огласи од болница преку социјалните мрежи.
Мариќ може да се види на фотографијата дека изгледа изморено и исцрпено и како прима инфузија во болница. Иако фотографијата на почетокот ги загрижи сите, нема причина за грижа.
– Змејот е убиен, сезоната заврши, се гледаме во јануари – напишал Мариќ.
Мариќ неодамна имал премиера и изведба на претставата „Свети Георгиј го убива змејот“ каде на сцената поминал повеќе од два часа. Бидејќи улогата била напорна, а кај Мариќ најверојатно се акумулирал замор, се претпоставува дека фотографијата од болницата настанала како последица на тоа.
Мариќ шеговито позирал и направил гримаса за со тоа да им порача на своите обожаватели дека сè е во ред и дека нема потреба од паника.
Сепак, многумина веројатно биле загрижени за ситуацијата во која се нашол актерот, па му порачале брзо да закрепне и дека едвај го чекаат на театарските сцени и на филмските платна.
