Познатата брачна двојка Светлана и Мики Црнокрак вчера прославија 26-годишнина од бракот.
На 11 октомври секоја година во нивниот дом се слави љубовта.
Сопствениците на модното студио „Црнокрак“, Светлана и Мики со години важат за пар кој покрај семејниот бизнис, има еден од најстабилните и најсреќни бракови.
По повод годишнината од бракот, Мики објави фотографии на својот профил на Фејсбук, на кои напиша „26-ка“.
Со фотографија од денот на свадбата од 1997 година, Мики откри дека слави 26 години во брак со Светлана.
Заедно со фотографијата од нивната венчавка, Мики објави уште една фотографија, која прикажува како со карикатури во рацете одбележале 26 години заеднички живот.
Најпознатата манекенска двојка во нашата земја ги има ќерките Моника и Нина.
