Пред да ја започне политичката кариера, поранешниот претседател на Србија дипломирал клиничка психологија на Универзитетот во Белград, а првата љубов на Борис Тадиќ (65), многу пред да почне да студира, всушност била спортот.
Уште во тинејџерските денови се испроба во ватерполо, играше за ватерполо клубот „Партизан“, но мораше да се откаже поради воспаление на бубрезите. Тој не се прослави баш во тенисот и скијањето, додека беше многу добар во велосипедизмот и кошарката, кои многу ги сака и денес.
– Уште од детството го сакав спортот, а најмногу играв кошарка со другарите во дворот – вели тој во промотивното видео што го сними за време на претседателската кампања, кога се залагаше за враќање на спортот како задолжителен предмет, за воспоставување на училишни натпревари и формирање на бесплатни училишни клубови кадешто децата би можеле да тренираат.
Во тој период често можеше да се видат неговите фотографии од кошаркарското игралиште, бидејќи во слободно време рекреативно играше кошарка, но претходните години ретко имавме можност да го видиме Тадиќ во неформален амбиент.
Увид во тој дел од неговиот живот добивме преку социјалните мрежи, каде во последно време е поактивен и очигледно е во топ форма, како и тоа дека првата љубов на Борис Тадиќ ќе остане на неговата листа на приоритети се додека го служи здравјето.
– Враќање се на теренот – пишува во описот на фотографијата на поранешниот претседател на Србија на која тој со голема енергија игра кошарка.
