Откако хрватскиот портал „24сата“ објави ексклузивни фотографии од пејачката Маја Шупут (44) во интимно друштво со Шиме Елез (27) на луксузна јахта недалеку од островот Брач, се огласи и самиот Шиме.
– Секогаш сум бил транспарентен, па така и сега. Во објавениот текст најмногу ме погодија погрешните информации дека Маја ми донела овошје, бидејќи јас никогаш не би си дозволил таков пропуст. Имено, јас нејзе ѝ го донесов овошјето. Освен тоа, ви посакувам на сите пријатен остаток од летото и на сите да ви биде како мене. Од срце. Поздрав со текстот на песната „Сутра ми суде“, од легендарниот Мишо Ковач – рекол Шиме за РТЛ.
Инаку, Шиме е ѕвездата од реалното шоу „Господин Совршен“, и навистина изгледа совршено!
Да потсетиме, „24сата“ поседува ексклузивни фотографии од читател, и тие не оставаат многу простор за сомнеж – страстите помеѓу Маја и Шиме се разгореле на палубата!
– Лежеа и уживаа во сонцето. Маја лежеше врз него, се бакнуваа и се галеа без оглед на љубопитните погледи. Во еден момент, таа стана, отиде да земе овошје и се врати со чинија што внимателному ја донесе на Шиме – рекол читател за „24сата“, кој случајно се нашол во близина.
Парот претходно беше снимен во Сплит како се качува на приватна јахта.
– Бевме на Рива. Тие требаше да отпловат кон Брач. Шиме се обиде да се скрие, но не успеа, додека Маја не ги криеше премногу своите емоции. Дури и прашаа каква е сезоната – рекол друг читател кој прикачи дополнителни фотографии.
Фотографиите од Маја и Шиме можете да ги погледнете – ТУКА.
