Хрватската пејачка Нина Бадриќ беше во брак со милионерот Бернардо Красниќ. Меѓутоа, овој брак не успеа, и покрај големата љубов на сега веќе поранешниот брачен пар, а Бернард набрзо повторно се ожени.
Бернард Красниќ, хрватски милионер, беше голема љубов на пејачката Нина Бадриќ. Тие беа во врска 12 години, а во брак шест. Пејачката „цветаше“ покрај овој пет години помлад бизнисмен.
Тие се свршија во Дубровник во 2013 година, а се венчаа во 2016. Но, по три години се разделија, а три години подоцна следуваше и официјалниот развод.
Хрватската јавност шпекулираше дека младиот Бернард ја изневерува пејачката. Сепак, никој не се огласи во врска со тие шпекулации.
Нина своевремено за својата љубов со Бернард зборуваше вака:
– Најлошото нешто што ми се случи е кога мојот маж престана да биде заштитник на моето срце. Кога не е искрен. Кога истура лаги. Кога се прави дека му е сеедно и кога ме зема здраво за готово, а уште полошо е кога сето тоа ќе го сфати предоцна. На таквите не им давам втора шанса – изјавила Нина Бадриќ за „24 сата.хр“.
Таа истакнала и дека лошото искуство од минатото нема да ја поколеба.
– Не треба да судите личност врз основа на лоши искуства. Тоа треба да се заборави. Тоа е минато и не треба да се навраќаме на него. Има и тоа како прекрасни мажи.
Бернард ја нашол среќата со директорката на маркетинг на една хрватска компанија, Латица Иванишевиќ, со која е во брак со години и со која има две деца.
