Иако често и гордо зборува за своето семејство, пејачката Светлана Цеца Ражнатовиќ ретко ги покажува своите родители во јавност. Како што вели, тие никогаш не биле обожаватели на светот на шоу-бизнисот и свесно одбрале да се држат подалеку од рефлекторите.
View this post on Instagram
Сепак, во една прилика, Цеца направи исклучок – објави фотографија од младоста, на која, покрај неа, се и нејзините родители и сестрата Лидија. Интересно е што на таа слика е тешко да се направи разлика помеѓу двете сестри, бидејќи во тоа време двете имале темна коса и многу сличен изглед.
Цеца во неколку наврати зборуваше за тоа колку нејзините родители биле строги, но и ја поддржувале, особено кога донела одлука да гради кариера во музиката, а не во некоја „сериозна“ професија.
– Кога сум се родила и сум заплакала за првпат, татко ми рекол: „Се роди пејачка!“ Како да ја предвиде мојата идна кариера! По 17 месеци се роди Лидија и со текот на времето станавме најдобри пријателки. Тоа сме ние денес! Таа е втора мајка за моите деца, а јас за нејзините. Бевме воспитани многу строго, нашите родители ни поставуваа граници и се држевме до нив – се присети еднаш Цеца.
