Српската пејачка Наташа Беквалац одмара во Црна Гора, а на социјалните мрежи ја покажа совршената летна комбинација за на плажа.
Беквалац, која на 44 години важи за една од најатрактивните пејачки во регионот, ја истакна својата витка фигура со проѕирен фустан за плажа.
Споменатото парче облека е дизајнирано од нејзината сестра Кристина Беквалац, а беше во принт кој е хит оваа сезона. Станува збор за леопардски дезен кој е дел од колекциите на бројни модни брендови во последните неколку месеци.
Под проѕирниот фустан, таа носеше и дводелен костим за капење, со ист принт.
View this post on Instagram
Додека одмараше во Улцињ, Беквалац претходно сподели фотографија на која позира само во гореспоменатиот костим за капење.
Заедно со своите ќерки и сестра Кристина, пејачката одмара во вила во Црна Гора каде, како што објавија српските медиуми, ќе престојува до крајот на јули.
Со оглед на тоа што Наташа со години привлекува внимание со својот изглед, таа откри и како го одржува денес: „На мои години, повеќе не станува збор за тоа дали можам да јадам што сакам, кога сакам или воопшто да не вежбам. Пред 15 години можев да кажам дека е само генетика, но сега работите се променија.“
