Без метеж, бучава и густо наредени лежалки, Завратница е еден од хрватските заливи каде се уште може да се најде мир.
View this post on Instagram
Од Јабланц до заливот Завратница потребно е помалку од половина час покрај каменото шеталиште покрај морето, а до прекрасниот залив се стигнува и со пешачка патека од истоименото село. Скриен е во подножјето на гребенот Велебит – спроти Раб.
Патеките и видиковецот со незаборавен поглед се изградени пред околу сто години од локални жители кои знаеле добро да ракуваат со камен и ги знаеле тајните на изградбата на ѕидови. Тогаш аристократијата од Прага и Виена дошла да му се восхитува на ова ремек дело на природата. Најпочитуваниот писател на хрватскиот реализам, Вјенчеслав Новак, црпел инспирација од ова прекрасно парче земја во Хрватска, пишува „пункуфер“.
View this post on Instagram
Еден од најубавите заливи во Хрватска, заливот кој е подеднакво фасцинантен и од висина и од плитко, припаѓа на паркот Велебит, а наликува на минијатура на норвешките фјордови.
Завратница навистина ве остава без зборови, а оние посетители кои ќе решат да ги споделат своите искуства го фалат кристално чистото море, нарекувајќи го „рај на земјата“ каде сè, од мириси до звуци, е едноставно совршено.
Завратница привлекува и нуркачи, кои доаѓаат да пловат и нуркаат околу потонатиот брод што „спие“ под водите на околу 800 метри од плажата, на длабочина од неколку метри. Кога видливоста е добра, а морето е кристално чисто, потонатиот воен брод од Втората светска војна може да се види од копно.
Влезот во Завратница е 30 куни по лице (240 денари), а за деца е бесплатно.
View this post on Instagram
View this post on Instagram
View this post on Instagram
View this post on Instagram
View this post on Instagram
View this post on Instagram
