Не е баш пријатен воздухот во домот на Бекам, особено помеѓу Викторија и нејзината снаа Никола Пелц, која се омажи за нејзиниот син Бруклин минатиот април. Извор за Пејџ сикс вели дека двете повеќе не зборуваат.
Англискиот сајт Page Six раскажува за вистинска студена војна во семејството која избувнала уште пред венчавката прославена со ексклузивна забава во луксузна вила со поглед на брегот на Атлантикот, во Палм Бич на Флорида. Извор близок до ВИП семејството тврди дека двете жени повеќе не разговараат меѓу себе, а меѓу причините за наводната омраза лежат љубомори: новопечената невеста (27) не можела да го проголта тоа што нејзината свекрва ѝ го украла вниманието прво на свадбата, а и сега во бракот.
Ќерката на њујоршкиот милијардер Нелсон Пелц, претседател на Медисон Сквадс Гарден, која се омажи за Бруклин Бекам „не сакаше нејзината свекрва да биде дел од подготовките за свадбата“, но оваа пак, се мешала. „Комуникацијата меѓу нив и тогаш беше минимална, а и сега“.
„Ситуацијата стана драма, без воздржување“, додава изворот, велејќи дека тензиите продолжиле особено кога Бруклин јавно во интервјуата за списанијата, ја нарекува Никола „новата госпоѓа Бекам“.
Студена војна: Што се случува помеѓу свекрвата Викторија Бекам и снаата Никол Бекам?
