Српската пејачка Ана Бекута долги години е член на стручното жири на српското музичко натпреварување „Ѕвездите на Гранд“, но на вчерашното снимање не се појавила од приватни причини.
Имено, Ана е оправдано отсутна, бидејќи вчера била годишнина од смртта на нејзиниот долгогодишен партнер Милутин Мркоњиќ.
Наместо Бекута, во жирито на популарното натпреварување ја заменил нејзиниот колега Драган Којиќ Кеба.
Да потсетиме, Милутин Мркоњиќ, претседател на СПС и поранешен министер за инфраструктура и транспорт на Србија, почина пред три години.
Долгогодишната партнерка на Мрка, пејачката Ана Бекута, семејството и пријателите минатата сабота се собраа на Новите гробишта во Алејата на заслужните граѓани да му оддадат почит. Ана дошла на гробиштата во придружба на синот, внуката и внукот.
